Kalaallit Nunaanni palasitut atorfiit inuttalerneqartussat. Kalaallit Nunaanni Ilagiinni palasitut atorfiit tallimat piaartumik inuttassarsiunneqarput. Atorfiit inuttassarsiukkat. (09.03.2009)
Palaseqarfik Maniitsoq namminerisaminik nittartagaqalerpoq. Nuup avataani siullersaalluni Palaseqarfik Maniitsoq namminerisaminik nittartagaqalerpoq tallimanngorneq 12. december. Nittartakkami ilagiit takusinnaavaat ilaatigut makku pillugit paasissutissat: oqaluffiup ammasarfii, sulisut kikkuuneri, najugaqarfiit, assit Maniitsumi ilagiinnut tunngassuteqartut kiisalu naalagiarnissanut pilersaarutit sukumiisumik nalunaarsorneqarsimasut. Nittartakkamik suliarinnittuuvoq palasi Asta Skifte Goldbach. Palaseqarfiup nittartagaa takusaruk uani: www.palasi-maniitsoq.dk
Biskop Sofie Petersenip Kalaallit Nunaat aammaarluni silarsuarmut nittarsaappaa. Tallimanngorneq 28. november Nunatsinni nalunaaqutaq naapertorlugu 14.00 biskopi aamma silarsuaq tamakkerlugu ilagiinni siuttuusut allat 30-it, taakkununnga ilaalluni Norgemi saamit ilagiivini siunnersuisoqatigiinni siuttuusoq, palasai Tore Johnsen, Sverigemi illoqarfiit ilaanni Uppsalami Oqaluffissaarsuarmi malunnartitsiniummik atsioqatigiipput, tassani piumasarineqarluni silarsuarmi siuttuusut inuiaqatigiillu tamakkerlutik akisussaassuseqartumik pissusilersuuteqassasut silarsuaq tamakkerlugu silamut tunngasumik ajornartorsiuteqarneq pillugu.
Takuuk Sermitsiaq-mi ilanngussaq 2. december 2008: http://sermitsiaq.gl/klima/article65537.ece
Takuuk Kristeligt Dagblad 2. December 2008: www.kristelig-dagblad.dk/artikel/306294;Kirke---tro--Verdens-spirituelle-ledere-tager-foerste-skridt-mod-faelles-klimaaktion
Silap pissusaa pillugu malunnartitsiniut Obamamut tunniunneqassaaq: kristeligt-dagblad.dk/artikel/306280:Kirke---troPraest-overraekker-klima-manifest-til-Obama
Biskopeqarfimmit tusagassiuutitigut nalunaarut uani atuaruk (kalallisut qallunaatullu).
